شعر پلاک شاعر غفار سواری زنگنه خوانش شعر مریم بختیاری
شعر پلاک شاعر غفار سواری زنگنه خوانش شعر مریم بختیاری
” شعربرگزیده دهمین جشنواره قیصرامین پور”
با احترام تقدیم ب تمام دخترانی ک در انتظار برگشتن عشقشان از جبهه های جنگ پیر شدند
٭٭
نونم کی گهد ولی قشنگ گهد،،هر گلوله ای که شلیک ایبو دو نفر ایکشه،اول سربازی که تیر خرد ، دوم دهدری ک مِن قلب سربازِ
٭٭٭
شَوی که ساز جنگِ کوک کردن
کُری سی نومزدیش هی بِلکه ایبرد
خَور دادن که جَر وَسته سرِ مرز
همو شو مرغ شودی مِن دلس مُرد
به میلس فرگس و لاشس وِ سنگر
دلس جا نیگرهد و هی ایخَرد پیت
وِ جا شیرینی بلکه برونیس
فقط از اَرس و خین خوس ایکهـ قیت
شوی که لاش خاکم ایگره تش
کرِ تیری وریسا قد علم کهـ
وِ چی دینِش سر انگشت سهری
یه گَی بالا یه گی رینِ و ِلَم کهـ
سرِ بن گوش دهدر ناد و وِش گد
سوا صحو ایوریسم وا خروسخون
ابندم شالمه ، پوشم قوامه
ارم وا گویلم هیجار کارون
ارُم جنگ و تو هم فرگ جهازت
یَکم دی که بخوسه ای جر و قال
ارم تولَک زنون و جلد ایاهوم
انم هف شو دهل ای مال و او مال
هَنی دهدر به عَهد کر نشهسَه
وُ حرف هشکنه نیخونه مِن گوش
و باور نیکنه کر دی نیاهه
قوولس نی که سی کر هه سیاپوش
میا وو رنگ دندون چی یک آوین
سی و چن سااااااله دهدر تی وِرهیه
گمونس نیکنه کر بی بفا بو
ایگو که بیژنم مِن پِرق چَهیه
حنا داره سی شادوما شرشته
هنی هم سی جهاز ایبافه قولی
پسینون که دل دهدر زنه قُل
ایشینه نایُمی سر وُرد خولی
همه کارس اوی پوییدن کِفت
چنو پوییده رهنه پیر اویده
نداره وِشت خو،فرفوت و گیزال
زِ دنیا و زمونه سیر اویده
چنو ایخونه از دل بیت دُندال
که شِردنگ من حَیله هلاکِ
همه س دلخوش و تی ره تازه دوما
اُوی دوما اما “یه قَل پلاکه”
شاعر : غفار سواری زنگنه
خوانش شعر : مریم بختیاری
تنظیم : اکبر ترکان
….
دانلود دکلمه شعر بختیاری پلاک
بیشتر بخوانید … بشنوید…
مجموعه چهار غزل بانو شاعر بهناز پالیزبان
شعر ویروس کشنده شاعر نازنین محسنی خوانش شعر فلور فرشچی
شعر بیقرارم کرد ورفت شاعر نسرین نوروزی خوانش شعر علیرضا
درود، بر دایی عزیزم، فوق العاده زیبا ♥️?