شعر اردل و ناغون شاعر وحید کیانیان دکلمه مریم بختیاری
(شعر برگزیده جشنواره تمداربیت اردل ۹۶)
عاشقی همیونه دی وا دِله رسوا بکنه
جا خدا او تییله مِن دل مو جا بکنه
نگوده تنگمه هی غم به دلم تپناده
جور کهکش اُخو بندامه زیک وا بکنه
دِ پُکستم زبسی خردمه غم سی تو یکیم
سیچه وا سر دل هر کی یه غمه، با بکنه؟
مووتو عمریه نُممون سر زون جفتِ یکه
کی تَره اردل و ناغونه زیک تا بکنه
صحو زی بادِ کلو وخت اِشُرنه منه مال
قسمس دامه شَدهته یه وِلا وا بکنه
یه نفس بو پللت ار منه دِه دِر بخوره
مار و پینا کل چشمن تره همسا بکنه
غیردور تواِگشتم یونه جرمم که خدا
وسته ری لج که مونه بعد تو بی پا بکنه
صد وِلا زیدمه گِل هر دفه هم کل اِگِرم
یه مسلمونی نبی ای جرِ منجا بکنه
شاعر : وحید کیانیان
خوانش دکلمه : مریم بختیاری
برای دانلود آیکون زیر کلیک کنید
?????
بیشتر بخوانید اشعار دکلمه های بختیاری
اوقات تهل شاعر حامد محمدی نورالدین وند دکلمه مریم بختیاری
غزل بختیاری حاکلون شاعر مهرداد ناصری دکلمه مریم بختیاری
غزل بختیاری حونه درد شاعر عباس کاظمی دکلمه مریم بختیاری