غزل بختیاری حاکلون شاعر مهرداد ناصری دکلمه مریم بختیاری
بَسکه غم دادِن به خردُم بی بهارُم کردِنه
عاسَلِ کار و کُناره زهرِ مارُم کردِنه
ایقَدر مَردُم به دیندا مو چِک و چَو بستِنه
تی خوسون و تی خدا دی خار و زارُم کردنه
وا هِشاره بادِ چَپ چی حاکِلون ایبو دِلُم
تی تَش و تُنگی ز غم بافه پِیارُم کِردِنه
تا فلک اَر ایگُروسُم غم ز دینُم نیروِه
اَر مونُم جا بسم الا وا غم زِمارُم کِردِنه
دست و پا زیدن چه فاده قسمتت مرگ اَر که بو
اَر بمیرُم بهدره وختی به دارُم کردِنه
هر دمون دنیا دو تا زونی مو ایرُهمه به گِل
چندِ کینو و دِلا کُه غم به بارُم کردنه
گرگِ غم آخر مونه ایجوره چِل چِل ایکُنه
جورِ بیگِ ریوَری از گلّه تارُم کِردِنه
دا مو غم و بو مو غم،دار و ندارُم هم غمه
اَر مونُم وا درد و غم هم خورزِمارُم کِردِنه
هر چه ایوَستُم یه دَو زیر تکی مو کس نوی
تا که دادُم جونه و ری به مزارُم کردنه
شاعر : مهرداد ناصری
دکلمه : مریم بختیاری
دیگر اشعار و دکلمه های بختیاری شاعران سایت عشق زیبا
اوقات تهل شاعر حامد محمدی نورالدین وند دکلمه مریم بختیاری
شعر بختیاری برنو شاعر آستاره اسیوند دکلمه مریم بختیاری
غزل بختیاری خیال شیرین شاعر مهرداد ناصری دکلمه مریم بختیاری
غزل بختیاری تش شاعر مهرداد ناصری دکلمه مریم بختیاری